الدمع نبع الحب من صادق احساس=للي فقدله شخـص يذكـر فعولـه
لاتحسب ادموع البشر نقص وافلاس=لاكن مشاعـر صادقـه ومحمولـه
واللي يحب الناس مايجرح النـاس=ايحبهـم فـي كـل فعلـه وقولـه
وانا عشقت (؟؟؟) يشبه للالمـاس=طيب وله في الطيب صوله وجوله
وافي معي صادق معي طيب الساس=العـز اصلـه والمعـزه اصولـه
من طيب جدانه رفع هامت الراس=مثل الجدي عالي ويصعب وصوله
هو نبض قلبي والمشاعر والانفاس=لاكن رحل عني بيسـر وسهولـه
كانت عيوني له عن الناس حراس=واخوض بحر الشوق عرضه وطوله
لعيونها عشت الغلا صادق احساس=واخذ بعشقي لـه مراكـز بطولـه