[العنود حسين]

لو تقول لي: ( موت أحبك )

ما راح اقولك لك : ( وآنا أكثـر ) ..





لا تحبنـي مني أكـثـر

ولا أحبك منك أكثـر ..

خل حبنا بالتســاوي


ودامه اشعور امتبـادل


.. [ في الهوى خلنا انتعـادل ] ..

( ما ابي ) اظلـم خفوقـك

لا .. ولا تظلـم خفوقـي ..

هذا شوقي ( قـد ) شوقـك

و انت شوقك ( قـد ) شوقي ..

لا ازيـد .. ولا تزيـد

حبنـا ميـزان عـادل

.. [ في الهوى خلنا انتعـادل ] ..

يوم اقرّب منك خطـوه


( لا تقـرّب ) خطوتـيـن !

بالمثل ( اعشقني ) واهـوى

ولا تحمّل قلبـي ديــــن

ما نبي فوز "و" خسـاره ..

لو تبي نغيض العـواذل؟

في الهوى خلنا انتعـادل ..!!


في الهوى خلنا انتعـادل ..!!


في الهوى خلنا انتعـادل ..!!