[تركي صالح]

من ضيقة الخاطر .. ومن كثر الأنكاد
...................................... ومن ما يجول بخاطري .. وبفؤادي

ودّي.. أسولفها على روس الأشهاد
......................................ودّي.... يسيل السيل ....في كل وادي

ودّي ..أسوّي مشكلة غصب وعناد
....................................... ودّي أسوّي شي ..... ماهو بعادي

بس إحترامن للذي راح .. ما عاد
...................................... كان ( العلاج ) وللجروح الضمادي

اللي غلاه ..... بداخل القلب يزداد
.................................. اللي مـــــراده .... ما يخــالف مرادي

الوافي .. اللي لأجله الطيب ينقاد
................................ ما هو غلط لا قلت .. أبوي.. إعتمادي

أبوي له في مجلس الطيب مقعاد
................................... عساه للجنــــّه ...... كريم الأيـــادي

لو كان حاضر.. كان ما عندي أقصاد
............................... في هالزمان .... الفاني ... الاقتصادي

أتعبت نفسي في رضاهم .. ولا فاد
............................... واللي يحاول يرضي الناس ....غادي

قلته .. ومن قبلي يقولون الأجواد
............................... تتعب ....... ولا ترضى عليك العبادي



الشاعر الرائع / نمش الشمري

صح لسانك وسلم بنانك على هذه الروعه وهذه الجزاله المتناهيه

ورحم الله والدك وجعل الجنه مثواه الاخير أنشاء الله

ابو سامي

ماتضيق الا تفرج وانا أخوك

وانشهد انك صدقت ان اللي يرضي الناس غادي

تقبل فائق التقدي والاحترام

ودمت بكل خير وعافية