بانسى غرامه وحرق القلب بالنار= يستاهل التعذيب قلب وثق فيه
كم كان له عندي معزة ومقدار= كنت اعذره لوكان غلطان ورضيه
واليوم خاب الظن به بعد ماصار= أنهيت حبه مثل مانهيت ماضيه
بعد الخيانة لازم أنساه واختار= بعده لاابكي ما مضى من لياليه
ماتبكي اعيوني على شخص غدار= والله حشى من خان عهدي فلا ابكيه
جرح الخيانة ماتداويه الأعذار= ياكبر جرح اللي قضى العمر يرجيه
غصب اتحمل ماتخبيه الأقدار= ورضى بما يقسم ولو كنت مابيه
معادلي في دنية الحب مشوار= حب ن جرحني بأوله عفت تاليه