السلام عليكم ورحمة الله وبركاتة
واسعد الله جميع اوقاتكم بالخير والبركة
واجدد العهد معكم بهذه الابيات المتوظعة عسى ان تنال إعجابكم
(( من ثلاث ايام تطرين البعااد ))
............................
من ثلاث ايام تطرين البعااد=مير قولي وش بقلبي ناوية..
وكان ذا يرضيك ياظبي الحماد=فارحلي وتبقا عروشك خاوية..
والله ان تبقا بلاد بلا عباد=ذكريات الشوق ماهي ذاوية..
ماقويت البعد لو قلبي جماد=واعذابي كان صرتي قاوية..
ارحلي واخذي الفرح لك والرقاد=وازهلي كل الهموم الضاوية..
هاتي احزانك وروحي في عياد=والسهر عقبك نويت اخاوية..
اطلبي واعطيك ما اعرف العناد=لو طلبتي قلبي اللي حاوية..
واللهٍ ان كني على قبري اقاد=الحياة وموتنا متساوية..
احسبٍ قلبي قبلكم ما يصاد=لين خذتيني لدرب الهاوية..
والله ان جرحي عطيب بلا ضماد=وكنت احسب اني لقيت مداوية..
عايشٍ كني غريب بلا بلاد=وكن في صدري ذيابٍ عاوية..
لوعة الفرقا تجاهدني جهاد=وكلمة ابعد عنك في اذني دااااوية..
وسلامتكم
,,,,,,,,,,,,,,,,,,
اخوكم /عبدالله بن سعود الدغيثر,,