اليوم انا محتاج لك كثـر احتياجي للصبـر
كثر احتياجي للفرح بعدك ولانفاسي معـاهـ
كثر الوجع / كثر الحزن / كثر الالم / كثـر . . كثـر
احتاج لك واعرف ما احد يحتاج فالعمر لشقاهـ
شهر على غيبتك مر , وغيبتك عيّـت تمـر
شهر .. وانا مدري انتمي للموت , والا للحياهـ
وحيد مدري وش ورى هالوحده لروحي قدر
بعيد مدري للفرح هالبعـد هـذا وش وراهـ
انساك في لحظة (غباء) واطيح من عين العمر
واذكرك حلمٍ كل مايقرب مـن التحقيـق تـاهـ
تعبت اشيلك في مطارات الزمن ( شنطة سفر)
واضيع في زحمة دروب البعد .. والقاك اتجاهـ
عطيتي النسيان فرصه ياخـذك منـي غـدر
ولا عطيتي عاشقك فرصه يودع بـك غـلاهـ
وجهك يمرّه في زحام البـال بوجيـه البشـر
وتقف عليك الذاكره ويصيح: قلبك من خـذاهـ ؟
ماخلت رياح الغياب بقلـب محبوبـك شجـر
نسيانه يراوده عـن حبـك ولكـن مانسـاهـ
ماكان مختارك زمن يمضي , ولانـزوه تمـر
اختارك العمر الذي كل ماكبـر يكبـر معـاهـ
يدري
(رجوعك مستحيل وصعب )
لكن ينتظر
مثل انتظار المغترب للموطـن اللـي مالقـاهـ
اللي يحبك كان يبحث لـك ورى بعـدك عـذر
واليوم يبحث عن عذر للمقبل اللي فيـك تـاهـ
خلاك للـدرب الطويـل , ولليالـي , والقـدر
كنتي بعينه دمعه الغالي
وودعك وبكـاهـ