ماهو قصور ولا تجاهل للاحباب=ياللي تقول انك علينا تغليت
ولا هو بوقت جروح ومصافح عتاب=وانت اتعرف مايوم عنك تخليت
لكن ظروف الوقت من ضمن الاسباب=اللي بها يازين غبت وتنحيت
ولا غلاكم داخل القلب ماغاب=حتى ولو اني بهجري تماديت
العالم الله لو خلق للحشا باب=لتشووف اثار الحب حزن وتناهيت
لكن دموع الصمت تخفيه الاهداب=وارسم بدلها بسمتي والامل ميت
ارجوك لا تقسى ترى الجرح ماطاب=شفني من اوجاع الزمن ماتداويت