اقتباس:
المشاركة الأصلية كتبت بواسطة سليمان الجعفري
نــواف يانـــواف لاهــنــت حــذراك = احـذر يـغرك مـن فـتـلـك بالاشنــاب
خلك سنافـي واجـعل الطـيب مبــداك = واحـذر مـن الـلي بالغـدر كـنه الــداب
فـي هالزمـن مايـنفـعك غيـر مخبــاك = وإن قـلـت فلـوســك تـناسـوك الأقــراب
لاحتجتـهم محـدن فـزعـلك ولاجــاك = مـن دون دهــن الـسـير مايـفـتـح البــاب
مافيـهـم اللـي لاتضـايـقـت ينصــاك = والــوقــت هــذا فــيـه صــادق وكـــذاب
لاصار عندك شي كلـن بغـى رضــاك = لـو كـنـت مـن ناســن رديـيـن وأجــنــاب
عندك مصالح قاصـي النـاس خـاواك = لــو كنـت عفـنـن مـايحسبــلـك حــســاب
تـبـدلـت دنـيـاك والـوقــت خــلاك = وتـغــيـرت بـعـض الــرفـاقـه والأصـحــاب
الـلـه يـاوقـتـن مـضـى ماحـضرنـاك = مــضـرب مثـل فـي وقـتـنا عـنـد الأعــراب
وقتن به الصاحب معك مـثل يـمنـاك = مــاهــو مــدور لـلـمــصــالـح إلـيـاطـــاب
أقلوبـهـم بيـضـاء وتفــرح إلـياجــاك = يـجـيك لاجـل الـطـيـب ماهــو للأنشــاب
والوقت هـذا وقـت ياخـوك يحــداك = عـزاللـه أنـي مـن عنـى الـوقـت مـنصــاب
كيف أبن عمك دون الأسباب يجفاك = وكيف أبن عمك ينحـسب ضمـن الأغـراب
وكيف أبن عمك عند الأجناب يشناك = وكيـف أبن عمـك فيك يبـحـث للأسبــاب
وين الرفيـق اللـي عن الضـيم مـلجـاك = والــوقــت شــيـبـي وأنــا تــونـي شــاب
وفي هـالزمـن ماينفـعـك غـير مخبــاك = هـي الـرفـاقـه؛؛ والجـمــاعـه؛؛والأقـــراب
قصيده طيبه الله يعطيك العافيه وان شاء الله الجماعه ليسوا بهذا الوصف
مع ملاحظتي ان هذا البيت تكررمرتين ولكنه اعجبني
فـي هالزمـن مايـنفـعك غيـر مخبــاك = وإن قـلـت فلـوســك تـناسـوك الأقــراب |
يعطيك العافيه*** بس انا اولاٍ حددت قلت((تغيرت ’بعض’ الرفاقه والاصحاب))
وهذا الزمن زمن مصالح والرجل بدون مال ليس له اهتمام من قبل الناس لاقريب ولا بعيد الا القليل عندك مصالح طلبك اخذه ماعندك شي ربك يعينك