السلام عليكم ورحمة الله وبركاته
صبــاح / مســاء الخير
نص من الارشيف
احببت طرحه بين يديكم ولذائقتكم
وقد سبق نشره في احد المواقع السابقه بأسم / سلطان الحرف
قال الذي اسمه مع الناس سلطان=وفيه انعرف مابين كل القبيله
سلطان حرف وللجمالات عنوان=عند الرجال اهل الوفا والفضيله
اللي لهم بين الملا ياملا شان=وهقواتهم بالناس دايم اصيله
ناس(ن) تحب الصدق مع فعل الاحسان=وتبعد عن اهل الزور واهل الرذيله
ماهمهم قول اخبث الخلق لو كان= يزرع ويخفي مازرع في شليله
الطيب يبقى والوفا طول الازمان=واهل الردا لهم الردا والفشيله
لو حالو تشويه صورة كحيلان=محد(ن) سمع قول القلوب الهبيله
الناس فيها عقول وعيون ولسان=وتميز الصاحي وراعي الجزيله
وتميز اللي فيه بالعقل نقصان=راع العلوم المغرضه والخبيله
اللي على شذب العراقيب شفقان=ويفرح ليامن جاب عندك نقيله
مايدري اني كاشفه بين الاخوان=وكل(ن) يقول الشين ربي يزيله
لكن جزا مثله مع الناس حقران=خله يموت وسط قلبه غليله
هذا جوابي ياملا بأسم سلطان=اختم بها رحله عريضه طويله