بقلوبنا حاضر ولو كنت غايب = ياسيدي يا عل عمري فداياك
يا ابوي يا ابو الشعب يا اغلى الحبايب =يا تاج راس اللي من الضيم يناخاك
يا خادم البيتين فعلك وهايب =يا كثر ما مدت من الخير يمناك
يدعون لك شعبك شباب ن وشايب = يا الله عسى ربي لنا دوم يرعاك
وياعل عينك ما تشوف المصايب =وعسى السلامه دايماً ما تعداك
القلب من شوقه للقياك ذايب = والشعب ما يهنا منامه يلياك
متى على دارك تشد الركايب = وتنور ارجاء الوطن في محياك
وترجع لنا يا منور الدار طايب= ونشوف بالتلفاز بسمة شفاياك
نذر ن عليه غير افل الذوايب = ورقص فرح يا سيدي لجل رؤياك
لأن الفرح في غيبتك صار غايب = ويرجع معك لا فرحت الأرض بخطاك