كيبورديه قديمه بيني وبين اخوي الغالي
االملكي / بندر السديري في احد المواقع السابقه
دقيت سلف الحوت مع هجعت الناس=وحركت من جـده لـدار الحويـه
اللي سكنها صاحبي عدم الاجنـاس=والحوت يمشي فـوق ميـه وميـه
شفقان شوفه والروابـع بهاالـراس=ياخذبـي التفكيـر روحـه وجيـه
وبعد وصلته قالت الوضع حسـاس=الكـل نظرتهـم يابنـدر علـيـه
قلت اسمعي مانيب راجع باالافلاس=لو بس من ريقـك ورشفـه هنيـه
واخذت مطلوبي ووسوست وسواس=ورجعت وقليبي جلـس فاالحويـه
( بندر السديري )
وكان ردي الاول عليه
ماظـنـتي يالدوسـري تقـطـــع الـــياس=وماظـنـتي يســلى الخوي عن خــويه
مــدام حبه ميـبس(ن) قلــبك ايـــباس =لابــــــد ماترجــع لـــــذيــــك البــــنيه
وتروي ضمـــآك بحبها وعذب الانفاس=وترجـــع على جــــده بنفـــس رضـّــيه
واياك تنسى صاحبك راقي الاحساس=ويفلــّــس من التشخيص بالعقـــربيه
( محمد بن موسى )
ثم اتبعته بهذا الرد
انشــــهد ان لــك عزوة ترفـع الــراس=وعــــاداتكــــم بالطيــــب جـّــزل العطيه
دايــــم لكـــم في قمـــة الطيـــب نبراس=ياعــــيـال زايــــد يارجـــــال الحمــّـــيه
خــّــذها من اللي لاعطــــى مـاله قياس=يشــــوش لاطــــاب الخــــوي مع خويه
من لابــــة يامســـندي مــثل الالمـــاس=خــــويهم ما يشــــوف منهـــــــــم رديه
ويــلان من ويلان ســـاس على سـاس=اهــــل الكــــرم واهـــل العـزوم القويه
وكــــانك بغيــــت لــــدار زينات الالباس=يــــــم الحـــــزام او يــــم دار الحــويه
تاصــــل ديار صويحـــبك عـذب الانفاس=وتغســـــــل تعــــب كل السنـــين الشقيه
تــــرى خــــويك باللقـــاء سـاطي الباس=يســــري معــــك في ليلة(ن) سرمــديه
وان شفــــت منه خــــوف والا ظهر ياس=تحــــــرم علــــــيه العــــــزوة الوايلـــــيه
عـاسف عسف قافه كما عسف الافراس=واهــــــداه لعيـــون السـديري هــــديه
(محمد بن موسى )
يامــرحـبا بااللي قصيـده عـلى ســـاس=تفخـربـه حروف الهجـا الابجــديـه
اعـداد ماخــطــت حروفـن بــقــرطاس=واعـداد زوار الحــرم والحــويــه
ياعاسـف المهــره هــلا مالهـا قيـاس=تاصلك مـن جــده الى العـقــربيـه
يشوقني شـعـرن غـدا قناد هاالـراس=من صاحبن عزن لمن هو خويه
حروف شـعـره كنها بـرق الالـمـاس=شامت عن الهزله ودرب الرديه
تطرد عن الخاطر هواجيس وعماس=تشبه هوى الطايف ونجد العذيه
كفو ونعم باالوايـلي عـدم الاجـنـاس=مثلك قليـلن باالمـخـاليـق زيـه
الـلابه اللي صيتها بيـن هاالـنـاس=برقن يشق الليل ويـدوي دويـه
ويلان ضاريتن على قطع الارماس=بيـن القـبـايل نارهــم دوم حـيـه
خط السديري حرفه بكل الاحساس =لعيون عاسف شوق بنت العبيه
( بندر السديري )
عمار ياذيك الايام يابندر
وللمعلوميه بندر السديري كان نكه ( االملكي )
ومحاكيكم كان نكه ( عاسف المهره )