إنسـان .. أكثـر ماتعلمـه , القصايـد و الغـنـا=اليوم يمسي في بلاد , و يصبح الصبح فـ/بـلاد .!
حاول يدور للسعـادة .. كثـر ماشـاف العنـا .!=إشتاق للعشب الخضـر واشتـاق عشبـه للجـراد
شاعر , وغصنه للطيور الجارحـة يـوم انحنـا .!=صرح بموت الحب .. واعلن في ضواحيه الحداد .!
البارحه ( كانوا هنا ) والجمر له .. ضـو و سنـا=مروا على دربك , وانا .. هونت عن درب الرقاد .!
( فزعت لك وانا احسب ان موتك من عيونـي دنـا=واثرك تشوف شلون اسوي في لياليـك الشـداد )
الليله اللي جابتك عنـدي هنـا .. تبقـى هنـا .!=أي والله ان تبطي وانا لك .. عن ذرا اللآهب براد .!