إليكم هذه القصيده التي اتمنى أن تعجبكم
واتمنى من الاخوان الشعراء لا يبخلون علي بملاحظاتهم حتى اللي يتحسس من النقد لا يبخل علي لو يراسلني على الخاص ترى الشاعر ما يستطعم قصيدته ويحتاج راي غيره
ألا ياللي ترفرف على الغصن وتغنِّي
،،،،،، واذا ضاقت الدنيا ،، جناحيك تستـلها
ألا وَاهَنِيِّك تزبن الجو متهنِّي
،،،،،، ألا ليتني لا ضاقت اطير وازهـلها
أنا وين ابا ادْلَه واهتني واضحك بسنِّي
،،،،،، وبعض البشر تِرْكِي على كبدي علـلها
رماني زماني للردِي وانتقم منِّي
،،،،،، وحدتني الدنيا على هامل اهـلها
خَوِيّ الرخا لامن نخيته هرب عنِّي
،،،،،، وجَمَّع لي اعذاره يحسب اني اقبـلها
أرزِّه كما الرايات والقاه متدنِّي
،،،،،، واذا قلت عاونِّي ،، تركني بحبايـلها
قليل الفوايد عن حوايجك متونِّي
،،،،،، ولو السحب بيده كان شَحّ بهمايـلها
بعض ناس ما تَطْهَرْ ولو كنت متمنِّي
،،،،،، لو إنك ،، مواليها ،، يعاديك ،، سافـلها
عساهم فدا للوافي اللي على ضنِّي
،،،،،، خويِّ(ن) وفيِّ(ن) خوتي ما يهمِّـلها
بوقت الشدايد ،، لا توازيت عاونِّي
،،،،،، يشيل الحمول ابدون لا اقول له : شِـلْها
(عرفت البشر) ما عاق عرفي صغر سنِّي
،،،،،، ومن عاشر الاصحاب ،، ما هوب جاهـلها
شعر : عبدالله المعيوف الدهمشي