الهم بين الضلوع العوج متخومس=غلبني الوقت والاسرار مبذوذه
بالصدر وردا بحر القيض متحومس=من عقب ماسقاه نوا طش برذوذه
ومن عقب ضو النهار الليل به دومس=وعن لاهب القيض ماني لاقيا لوذه
وقتا يجوع الشريف وتشبع المومس=واهل النفوس العزيزة بس منبوذه
راحوا رجالن على ذكراهم اتنومس=من قبل دور المهلهل والملك هوذه
منهم سباعن تنادوا في حصن قومس=للموت والخيل بالفرسان محنوذه
ابطال بكر ابن وايل ماهم بتومس=دارع وحاسر ولاهو لابسا خوذه
ابكي على وقت ذكره بالعرب رومس=مرماس دلوا رمت بالبير مجذوذه