أعضاءوزوار شبكة ويلان الكرام إليكم هذه القصيده التي فيها أفتخر بربعي بني وايل
وهي من أقرب قصائدي لنفسي (ومن حب ربعه صار هذا انطباعـه)
بدون أي قصور بكل القبائل وهي قصيده قديمه لكن تلبيه لطلب بعض اعضاء هذا المنتدى
أضعها أمامكم عسى أن نتال أستحسانكم
أناعنزي لي الفخر وارفع الراس=ربعي بني وائل أرجال الشجاعـه
أناعنزي ومعرّب الجد والسـاس=من صلب وايل كل ربعي جماعه
إن شفت لي محتاج من سايرالناس=أفزع معه بالطيب عنـدي قناعـه
متوارثين الطيب ساسٍ على ساس=صغيرنـا للطيـب يمتـد باعـه
متعوداً للطيب في كل الاجنـاس=أبوه يامر كـل مـا قـال طاعـه
طبعٍ لنا مانتّبـع درب الانجـاس=اللي صديقه بأخرالوقـت باعـه
الطيب له جوهر مثل جوهرالماس=من جوهره لأولادوائـل متاعـه
أناعنزي من متعبت قب الافراس=اللي على العدوان فيهـم قطاعـه
دخيلنا ماضاع حقـه ولا أنـداس=وخوينا يسلي وينسـى الجماعـه
أفخر بربعي كل ماهـب نسنـاس=من حب ربعه صار هذا انطباعـه