تكفى حبيبي حس بالشوق فيني=وارحم محبٍ دايم الدوم شاريك
تكفى على شاني تحس بحنيني=ارجوك قدر من يعزك ويغليك
حاول قدر ماتقدره تحتويني=حقق منايه لجل احقق امانيك
ابيك اقرب من دموعي لعيني=ابي اكحل دايمٍ ناظري فيك
واذا ظروفك يمنعنك تجيني=معذور لو قلت عليه خطاويك
لكن طلبتك راحتي فاثنتيني=ان كان تبغاني رفيقة مماشيك
صوتك ابد لاتقطعه ياضنيني=خله يغذي روحي الي تهاويك
ولا على الجوال يانور عيني=لو بالرسايل تنتعش روح غاليك
واذا حرمت القلب هالحاجتيني=وطولت بغيابك وعذبت راجيك
تكفى اعترف لي قولي ماتبيني =واني انا غلطه بصفحات ماضيك