من خلال منبر الشعراء الويلاني يسرني أن أرحب بأخي وابن عمي الشاعر الرائع والجزل فارس الجبل الفقير ( أبو مهند )..
شاعر جزل .. شاعر مرهف الحس ..شاعر إنسان ..
هكذا هو لمن يعرفه , ولمن لا يعرفه فشعره أكبر دليل واحببت ان أن تكون بوابة دخوله عبر منتدى الشعراء مباشرة فرحبوا به معي ...
دار بيني وبينه نقاش شعري ــ أحببت أن يكون بطاقته الشعرية الاولى في ويلان ــ فإليكم ما دار بيننا :
فارس الجبل :
ياخلف والشيل نوخ بالبعير = والعوامل هدت متون الجبل
بين جور الوقت والحظ الضرير = انطفى بالعمر براق الامل
وان تحالف بوش مع توني بلير = ينشنق بالعيد صدام البطل
خلف الغريب :
يا ( جبل ) خلك جبل مهما يصير=واشمخ بمنكبك.. لو زاد الثقل
لا تصير بعين حسادك صغير=البس الديباج لو ما تلقى اكل
انت حر ومخلبك دايم شطير=ولو تضيق الارض رحب بك زحل
ما عن المكتوب ياالفارس مطير=والحذر والخوف ما يدفع أجل
يا زمن بالله على وين المسير=وشرهة المولى على شيخة شمل؟
فارس الجبل :
ياوسيع العرف يالجم الغزير=ياوريث العود حلال الشكل
ماشكيت القل وفراش الحصير =ولابكيت فراق زاهية الكحل
ما دهاني ضيم يلطف به خبير = وكايد الطعنات خوت بالجمل
ايه ابا ابكي مابكى الحارث جبير = يوم صارت ديته شسع النعل
ولاعليه لوتنقدني حقير = ولو وصفني بالتخلف والجهل
لك انا اورقت من بوح الضمير = يابعيد الشوح .. ياالفكر الثمل
ياحزامي لاغدا الموقف خطير= ياعريب الساس.. يانعم الرجل
خلف الغريب :
ادري انك ماانت من صبرك فقير=لو كثير من الوزا ما يحتمل
بس يمكن ينتج من الشر خير=وبالليال المظلمة يبرق أمل
والله اللي في نهايتها خبير=كل شي - الله يجيرك - محتمل
مالنا قدرة بتحديد المصير=والجزا دايم على جنس العمل
شف قدر غازي ولو غازي وزير=في خطأطبي عن الدنيا ارتحل
أتمنى أن تشاركوني الترحيب هنا ..