تركتني يوم انا اللي كنت محتاجك =واخترت غيري على حبي وقدرته
لا جيت اعاتبك صرت تعقد حجاجك = واللي بنيته من اجل رضاك دمرته
شويت قلبي من اخلاصي على صاجك =وكنت اقبل اي عذر بغيابك تعذرته
تعال شف كيف مداخلك ومخراجك = حتى التعب لاجل عينك ما تخاسرته
زرعت فيك الغلا ما بين انتاجك = شف خاطري لجل انا ما ازعلك كسرته
تعبت وانا اتحرى عذب هدااجك =ذبلت زهوري وبعدك ما تصورته
ومن بعد هجرك تراها طاحت ابراجك= يوم انت جرحي بدم الغدر عطرته
ما دام سكرت بيبانك بمزلاجك = الله يهنيك باللي رحت واخترته
اول لقلبي وطن.. وضلوعي سياجك =واليوم ابى ابعد عن الداب وعن شجرته
خلاص .. ما عاد انا اللي كنت محتاجك= لقيت غيرك يقدرني وقدرته