اقتباس:
المشاركة الأصلية كتبت بواسطة طلال معيض
اليكم
طلال معيض
عمر الوطن ماشح دون المواطن=
عمر المواطن للوطن صعب يوفيه=
ياهاجسي يوم المشاعر تراطن=
اخذت من جزل المشاعر معانيه=
انا السعودي والسعودي محاطن=
بالمرجله والعز واسمى مباديه=
اعقولنا بالعلم لامن تعاطن=
باروحنا لاعظم ملك حي نعطيه=
اللي لياقام العدو يتشاطن=
من هيبته هز المعادين طاريه=
ساطي على الغاوين ماهوب ساطن=
هذاك عبدالله عظيمه خطاويه=
خلا الفخر لو تساله وين قاطن=
جاوبك انا سعودي وبالمملكه ايه=
يارب ياللي عالم بكل باطن=
تحفظ وطنا والملك من معاديه=
واهل العقول الغاويه لاتواطن=
على البلد00يارب من خان تمحيه=
ماهوب فاطن بعد ماكان فاطن=
ان الوطن صانه وحقق امانيه=
مايدري ان ارواحنا ماتباطن=
لامن دعتنا المملكه نكسر ايديه=
منا الولاء والعهد واقوى ارتباطن=
موثقه باخلاص من عهد بانيه=
يبقى السعودي والسعودي مواطن=
لودرت وسط الكون محد ن مضاهيه=
|
صح لسانك واعتلاء شانك مشاعر المواطن الصادق
الشاعر القدير طلال معانى القصيده معبره حاولت ان اقتبس منها بيت ووجدت كلها لابد ان نقتبسها
صح الله لسانك وتقبل منى الاحترام والتقدير