[مشاري بن فالح]

مدخل
:

:

ياويح قلبٍ قيّدَتـْه العَذارى
................. ودقات قلبه صوب رمش الرزينه
باتّ الهًوى يَغـْزوهٌ في عٌقـْر دارٌهْ
................ وتحرك الاشواق باقي حنينه

السلام عليكم
متواضعه ... تقبلوها كما هي ..
:
:
شاطي العفاف

بينك وبين الحب وقت و مسافات=بعد الفرح للقلب نفس المسافه
الحب عندك يا صغيره تفاهات=والصدق في شرعك ترينه كلافه
الحب في نظرت عيونك شراهات=اما الوفا يا بنت عنك خرافه
لاتحسبين الحب لعبة خيانات=كم عام عشنا بالشرف في ضفافه
الحب خالد في عيوني ولا مات=لذة بحور الحب ... شاطي عفافه
الحب دربٍ مابه ايّة متاهات=قد قالها اللي مايسير انعطافه
الحب دوله والمشاعر شعارات=فيه الوفا شعب ٍ يثور بعنافه
الحب دمعه تحتويها معانات=فيه الآلم ممزوج جد و لطافه
الحب ساسٍ مايهزه مقالات=زلزال قلبي هز عرش الصحافه
الحب طاهر في جميع الديانات=مايخذه سيل الردى بنجرافه
الحب صفقه له شروط وقرارات=ماهو ثقافه .... قــد ماهو ثقافه
الحب ( ليسن ) في طريق السعادات=ماهو تعرّي في ليالي السخافه
والقلب كوكب و الحنايا مجرّات=سعيد منهو عايشٍ في ضيافه
والا انتي عندي مالك ايّة مساحات=والقلب عنّك زاد فيه اعتكافه
القلب عالي فوق روس المنارات=صعب ٍ على يد القصير التقافه
ماهي بدايه كثر ماهي نهايات=لاتجبر اللي ناوي ٍ بانصرافه
ماني مثل غيري اسير العلاقات=وماني مثل غيري وكيل اللقافه
كثر التصنع مايفيدك يابذات=شكل (الزرافه) .. غير شكل (الترافه)
عقب الخديعه ماتفيد الاضاءات=زيف المشاعر بان والكل شافه
والحين واضح طول وقت المسافات=بعد الفرح للقلب نفس المسافه

:
:

مخرج ..

لوْ أقْبـَل الليّلٌ تَغـَنـَّى بأسـْمِ
............... لين الفجر ياصاح .. بيـّح كنينه
سَجِـِيـّةٌ العٌــشـّاقٍ كَــل البـَحـْرِ مـّدٌّه
.............. هاضت مع الامواج ذكرى سنينه

شعر :مشاري بن فالح البدري ( هاجس الحرمان)
25 / 8 / 2010