السلام عليكم ورحمة الله وبركاته
بعد طول غياااااااااااااااااب جيت مشتااااااااااااااق واقبلو مني :
اواه ياصبر(ن) على الوقت صابره =وقت(ن) عطاني وين مارحت صابره
قفّا وخلا دمعتي في مكانها =لاهو مسح دمعي ولاهوب قابره
مديت كفّي قلت عطني دقايقك =والا ثواني من ثوانيك عابره
خلفه انا وارجيه يالوقت هاتني =عطني جمال اللي من العام خابره
عطني جمال اللي من العام مهتني=يهيم في دو(ن)عليّه منابره
اللي حدوده مالها حد لامشا=واليوم وش بك ياملا الخير سابره
جاوب ورد وقال لي دون يلتفت=ماني على بعض المواضيع جابره
حظه تردى ماني لحالي الردي=الطرس طرسه والمحابر محابره
هو هو ولكن هو مهو هو وللاسف=مرت عليه ايام سودا وغابره
قلت انت ويا الحظ سبّة مصيبته =انت الذي قطع مع الحظ دابره