[محمد بن موسى]

الزين كله والحلا .. بزين الوصّوف=اللي قبل سلطان قاله جّدها
اللي بها عن كل خلق الله نوف=في فكرها وفي مزحها وفي جدها
متفرده لو حولها العالم وقوف=وفي حسنهم مافيهم اللي نّدها
ولو تجتمع كل الخلايق في صفوف=محد(ن) قدر بالزين ياصل حّدها
ياحظ منهو صافح لذيك الكفوف=والا لمس بيديه طاهر خّدها
عز الله ان اللي ملك ذيك الهنوف=اسّعد سعيد وفرحته من قّدها
يارب ليّن قلبها لي يارؤف=وترحم قليبن ذاب يشكي صّدها
اللي لها الخفاق ولهان وشغوف=وايديه لمعانق يديها مدهّا
يارب وانت بما جرى لعبدك تشوف=وتعلم بأنه صادق(ن) في ودهّا
انك تيسّر كل صعبات الظروف=وعين العدو يارب بأمرك لدّها
وياحظ منهو فاز في زين الوصوف=اللي قبل سلطان قاله جدها
اللي بها عن كل خلق الله نوف=في حسّنها وفي هزلّها وفي جّدها