في دنيتي عانيت من غدر الاصحاب=ليه مع الطعنات قصه طويله
ياقو نزف الجرح لاجا من اقراب=ماعاد به شخصٍ وفي نلتجي له
ماعدت اميز بين صادق وكذاب=كلٍ يقول الصدق عني دليله
ياكثرهم لاجيت رااايق ولعاب=وياقلهم وقت الحمول الثقيله
الجرح لاجالك من الناس الاجناب=عنهم تصد ورجعتك مستحيله
مير البلا ناسٍ عزيزين واصحاب=بالروح مسكنهم وبالقلب قيله
ياليت ظني فيهم اليوم ماخاب=تشوهت بالعين صوره جميله
ماني مجازيهم وللحق طلاب= كلن على ماقيل يلقى حصيله