لافي يدي قوة ولا شـي مآمـول
الا مسافيـط الـوزى والحـروره
أغيب عن واقع به الصدق مشلول
لو السما من تحتها الأرض كـوره
وأرجع على طاريك وأقول لاحول
يالعنبـو ظـرفِ منعنـي لا أزوره
العذر بعض أحيان ماهوب مقبول
لو الحرام يبـاح عنـد الضـروره
مانيب من يتبع حركات أبالهـول
اللي تسولف في غبـاه البـزوره
من يوم جوالك له أسبوع مقفـول
وانا معاليقـي عليـك آمحشـوره
ماني مصدق بك ولاهوب معقول
تنهي علاقتنا على شـان صـوره ؟؟؟؟