[اميرة الحرف]

طااااااااااااااط

انا جيت ياحسوووسه سببتيلي رعب انتي وهالورطه عجزت استمتع بإجازتي
المشكله سفر والنت مو متوفر الا بطلعة الروح ويالله دقايق حتى المسن مافتحته من اسبوع
ماحس بمعاناتي الا ابو سيف يسلمه ربي

عموما ابشرك واخيرا خلصت وربي ماردني الا سالفة الوقت ولا قدرت اخذ راحتي الا اليوم


استلمي احساس


الجز الثاني والاخيرمن الاسئلة

1--في بدايت كتاباتكـ الشعريه كتبتي بسم (العيوف) وظليتي تكتبيني سنين بهذا الاسم الذي شد الكثيرين لكن في 2009 غيرتي من (العيوف )الى (اميرة الحرف )هل لنا ان نعرف السبب؟

انا العيوف اللي تملكت قيفان// وابحرت في بحور الشعر من طفوله


ويومٍ أمّرني عليها كحيلان// شلت اللقب واثقل قصيدي حموله

\\..

2-الحياة طفل لايعرف اوساط الحلول اما سعيد او باكي ماذا تقول (العيوف)عن الحياة؟

الحياه شهور وايام وسنين // وانا عمري ابتدا لحظة لقاه


قبل اعرفه ماوطى قلبي الحنين // ومن عرفته غير عشقه ماوطاه

\\,,

3-محتاج لإنسان (ماأعرفه)..ويجهلني
أجلس معاه وأفتح الوجدان ويقرآني

مايهمني كيف؟ ولا وين قابلني؟
يهمني يحتمل( صمته) ..على شاني؟

-لمن تشكي العيوف همها؟

الهم دامه مستقر بين الاضلاع // شكواه للي خالقه هو يزيله

ولامن سر الهم من بينهم شاع // مااشكيه الا للذي يرتكيله

\\..

4-متى تشعر العيوف بالضيق؟

لاشفت طفلٍ من عنا الوقت يبكي // والدمع حاير بين جفنه والأهداب


من ضيقته يعجز عن الهم يشكي // بينه وبين افراح عمره مية باب


ابوه غادر دنيته قبل يحكي // وامه حداها دون شوفه له اقراب

\\,,

5-ارجو مجاراة كل بيت من الابيات التالية مع الاحتفاظ بشروط المجاراة(الموضوع \الوزن\القافيه)


1-رجع لي وخابر قلبي يحبه في كل احاوله=رجع لي والسبب ادري صفا قلبي وطول دعاي
وانا كالعادة اتناسى قسى طبعة وغرباله=عشانه بس مايندم اذا حس بكثر شكواي
\

رجع لي والعنا بقلبي تعنا لجلي وشاله = عساني ماانحرم منه وعسى ماتفقده دنياي

مناة عيوني بشوفه وتمنى قلبي وصاله = واكيد انه هنا عمري وسلوة خاطري ودواي


2-علمت نفسي درس!ماني بناسيه= ماقيل لي ولاحفظته من كتاب
لاحدني وقتي على شيء مابيه=اعز نفسي ومنة الناس بتراب
\

اعز نفسي ومن يراعي اراعيه = ومن لايقدر خان بسلوم الأحباب


ان كان ماله حق والله مااداريه = حتى ولوه من قريبين الأقراب

3-كنـّك و كنـّي ياحبيبي مصاقيل *** كلما إنتلامس .. نبتعد وإنتفارق

ياللي حضورك عقب غيبه كما الليل*** ليلة دجى جاها من الشرق بارق



\\..,,
امامكـ صورة عبري عنها ببيت شعر؟

حظ بنته يوم ظمتها يديه // طفلة نامت بحظنه في ترف


احسد الطفله تبوّس راحتيه // اشهد ان الي يعوفه ماعرف

6\في ختام هذاالقاء بصراحة مااصعب سؤال واجهكـ يالعيوف؟

الله يجمل قافي بعين ويلان


..................................... وانا ادري ان الوقت طال وهدرته


وعسى يعذروني طويلين الايمان

.................................................. ......وان كان ماارضاهم قصيدي كسرته





وشكرا احساس وتقبلي عذري على التأخير