[المسيكي]

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،

يالله ياللي عالم ٍ كل مَيْكون = أنت الذي تغفر لنا السيئاتي
من التجابك حصّل الفوز مضمون =وأنا طلبتك يا آلهي النجاتي
ويالله ترحم حالي إن صرت مدفون =وأبقى وحيد ٍ باللحد والرفاتي
لو الحبايب قاموا صياح يبكون =الدود وسط عيوننا مرتعاتي
بالقبر مالي من حبايب يسلّون= تسفي السوافي وترتحل ذكرياتي
هذا طريق الخلق فيه يتساوون = ما فيه حيّ ٍ باقي ٍ له بقاتي
الدرب والله ماهو اليوم مامون =صليت ماني عالم ٍ عن صلاتي
أخاف يوم ٍ أدرج بخام مكفون = وأصير بين لحودها وأظْلماتي
ماهمّني موت ٍ به الناس يحكون = ولاهمّني أيّامي الباقياتي
لو هي حياة ٍ ثم موت ٍ وما دون = أنشهد إني والم ٍ للماتي
مار البلا معروف ماكان مكنون =أحيا وأموت وثمْ ترجع حياتي
في حينها إما لي جنان وعيون = وألا بجهنم منزلي واجرفاتي
الله خلق جنّه وإنسه يعبْدون = خلاّق ما بالكون من كايناتي
ليته خلقني طاير ٍ في فضا الكون = أطير ضمن طيورها الطايراتي
أحيا حياتي ثم للموت مركون = مافيه حساب ولا بها معضلاتي

فهد المسيكي