اقتباس:
المشاركة الأصلية كتبت بواسطة ماجد الجعفري
السلام عليكم ورحمة الله وبركاته
اعضاء وزوار هذا الصرح العريق اليكم هذه القصيده
متمنياً أن تجد القبول في قلوبكم ..
((الصمت والحلم لغة لايفهمهما إلا الحكماء !)).....
.....................
.
للصبر حد وللميانه موازين =وللعذر حقه ياوصل في أوآنه
ماكان صمتي خوف دوك البراهين =للصمت مغزى كان عندك فطانه
قد قيل إن الصمت نهج الحكيمين = وضبط اللسان يعد اكبر حصانه
بالحلم كم شيد صروح وميادين =وبالطيش كم رمزٍ تحطم كيانه
وإذا الثقه بالنفس متمكنه زين =يبقى قوي الباس ثابت مكانه
العز ينتج من طموح العزيزين = والذل ناتج عن مسار الاهانه
ويامندفع بالهرج مدري على وين =روض لسانك لاتطوح عنانه
إن كانها فرصه وجتلك على حين= لاتبرر الهفوة بعذر الميانه
الصدق مزبن للرجال الشريفين= والكذب حبله يوصلك للإدانه
النور مايكسف بوجه المصلين =ينبيك لاشفته بعظم الديانه
ويكشف ظلام الليل في بؤرة العين =الخيط الابيض لاتوهل مكانه
يعني تحذر لا تقااااوم قويين =تعجز تحدد ضربتك بأي خانه
للسيف حد يهاب منه الوريدين =يكفيك شره لا حضنك بحنانه
مادون حلق الادمي كود اليدين = لانه يسمى كف الايدي جبانه
ماجيت متغطرس وعكس القوانين =جيتك وانا مدرك حقوق الامانه
واحملك بيدي رسالة فطينين =الطعنه بظهر المقفي خيانه
وسلااااااااااااااامتكم |
الله اللللللللللللللللللللللله عليك ياماجد
مليون صح لسانك ولاتكفي قصيده كلمة رائعه قليله بحقها ,,,,حكمه ,,,,معنا,سلاسه,,,,رساله قوية,
شاعر اقل شيء اقدمه له هي كلمة عزالله انك جزل ,,,,,راقي,,,,عذب,,,,,,شاعرية فذه,,,,,
سجل اعجابي بهذا النص الشامخ .....بهذه المعزوفه التي اطربتني بصراحة لله درك
تقبل مروري المتواضع ولك تحياتي وتقديري