رقْص الجمآجم
تَقطُر خجلا ..
وتحاول أن تصافح ذوائقكم بعد طول الغياب 
لا أظلمت دنيا الفرح والتعاليل=ونور المحازن جهزوا لي سراجه
أمشي وحيده في دروب الغرابيل=والقلب يصرخ ماعرفت احتياجه
في غابتن سودا ملتها التهاويل=حنظل وماها زايدن في إجاجه
ماتعرف الإصباح كل يومها ليل=والورد لو ينبت معكر مزاجه
فيها وحوش اشبه شبه بالمهابيل=رقص الجماجم والطرب والخواجه
أصواتهم تهتز هز الخلاخيل=والكل يظهر رقصته وبتهاجه
تسمع صدى صوت الكسر للمعاميل=حربن ضروسن بين ديك ودجاجه
في داخله ماعت دروب المداهيل=وختلطت الأشياء داخل لجاجه
آجر صوتي وتبعه بال مواويل=ويطير صوتي من سبايب عجاجه
يارب يارحمن يامنشي السيل=يامن جعلت الكل دائن علاجه
يافالق الإصباح من عتمة الليل=والحق لامن غاب زدت انفلاجه
دمعي من الضيقات جاب التهاليل=والحزن ثور بي وزاد اهتياجه
اترد روح الغاب من هدة الحيل=وترفق بمن قلبه شبيه الزجاجه
لكم من الورد أكثره
دمتم بـ خير
دمع الغزال