ياشيخ لاتقرا علي لو تكرمت
اللي تبي تقراه قبلك قريته
ياشيخ ابا علمك وانت الزم الصمت
ايلين اغلق من كلامٍ بديته
البارحه يا شيخ عقب العشا نمت
يوم ان كلٍ نايمٍ وسط بيته
مدري حقيقة علم والا تحلمت
خلي لقاني بالمنام ولقيته
عقب الغياب اللي ذبحني وهايمت
جاني وانا قبل يجي ما احتريته
اقبل علي وانا نطحته وسلمت
وصافح يميني في يمينه فديته
وناظر وانا اناظر وسلهم وسلهمت
وشربت من بحر الغرام و رويته
وغيم سمايه في وجوده وغيمت
اللي بلاني بالغلا وابتليته
ياليتني طولت نايم ولا قمت
وكل الشهر نا يم ومعها قضيته
وصحيت لياهو حلم ليل وتحطمت
وقمت اتخيل زوله اللي رأيته
لولاي في عزمي وصبري تحيزمت
انهارت اعصابي وجيبي فريته
يا شيخ لا تقرا علي لو تكرمت
داي ودوايه كلهن عند(000000)
ااااااااالله عليك يامعيض
وربي روعه هالقصيدة