يادمعة" وقفتها بين الاحداق = لين اشعلت في وسط صدري احتراقه
ادري بانك جيتني ناوي فراق = وادري بانه غصب مالك علاقه
واقف ولكن العقل مابعد فاق = من صدمة الموقف خرج من نطاقه
شفت الفضاء وشلون في داخلي ضاق = كن اكسوجين الصدر صابه اعاقه
بعدك قسم بالله ماشي ينطاق = حتى الحلا مر" عليه مذاقه
لو ماانكساري لحظه احساس الاشواق = ولوماشموخ اسمي على هالبطاقه
لجيلك ازحف دون مبداء ولا ساق = واطلب غلانا لاتقطع وثاقه
تعال اضمك دامها لحظة فراق = دام المشاعر تحتضر والصداقه
اجمل فراق اليا انتهى بلذة عناق = يبقى معك ذكرى (لاجمل علاقه)