[سعد النفج]

نص عانق سماء ويلان في 11/4/2008 م
.

استفزيت القصيد و جيت انا من اقصى الهضاب=جيت انا مروض قصيد ٍ ما توقعت اظهره

اشهد ان الراس عالي معتلي فوق السحاب=واذا ذراعي ما نفع بالطيب والله لا كسره

والخطايا كلنا نخطي و كلن له حساب=وخير العرب ما قلت اخطاه و سماحه ما كثره

والمرء يلدغ بس مره بعدها يدل الصواب=واللي جهل بالثانيه ما كبر خطاه و ما خطره

وانا من الدنيا لقيت الدرس و العقل استجاب=درس ٍ بدون مقرر و لاكل رجل ٍ يقدره

فيها التجارب قاسيه.. فيها المذله والصعاب=وانا لقيت من الليالي درس من يتصوره

يا شين من خان الخوي .. الله يا عظم المصاب=حتى الجماله يوم خان الود ما جت تنهره

ان جيت ضامي .. ودي اشرب..حط سمه بالشراب=والسهم يرميه لكن دون راسي يقصره

دنيا عجيبه والعجيب انك تصدق بالعجاب=والعجيب اني خسرت اللي من الصعب اخسره

غصب ٍ علي اصدق اللي كان مخفيه الضباب=ليا متى هذا الزمان اللي جرحني اصبره

ما صبر على كثر الجروح و لا بعد شد الركاب=والله على جرح الزمان اللى بقلبي ما اكبره

استفزيت القصيد و جيت من بعد الغياب=جيت ابيّن وش حصل لي في زمان الثرثره