افزعي لي يا الحـروف الابجديـه
واحضري حرفٍٍ جديدٍ ما انكتب به
با..اتوجد واختمك يالقاف ب.."إيّه"
با..اتوجد واختمك يالقاف ب.."أبّه"
ياوجـودي وجـد ذبـاحٍ خـويـه
مايبيها ميـر هـو فيـه ام..تشبـه
وطالبـوه عيـال عمـه والحميـه
وكل من حولـه لفـى يمـه طلبـه
وراح روحـه ماوراهـا اي جيـه
ناصي الغربـه ودارٍ يغتبـرب بـه
ماترك خلفـه سـوى أمـه وخيـه
وعودٍ .. السكّر .. مع ايامه لعب به
وان غشـاه الليـل دنّـى الشاذليـه
وارسل الدمعـه ودعـواتٍ لربـه
/
\
اشهد اني بحالتـي اصبحـت زيـه
في غياب اللي رماني وسـط حبـه
ومن يلوم اللـي تولـع فـي بنيـه
عمرها عشرين عـامٍ ينحسـب بـه
ان تهادت .."زولهـا" يذبـح بغيـه
"زول" طفلٍ .. لاتهادى ايقول "ببّـه"
لا استعدت ..زول من يضرب تحيه
ولا استراحت..راحت الخلق بمغبه
اشتريها بألف طعنـه والـف كيـه
واحـرق بقلبـي علشانـه واشبـه
جيتها (عفو) ولفتني ب(الخطيـه)!!
وكل (ذنـبٍ) وصلهـا لازم يجبـه
راحت وخلت بإيدينـي هالوصيـه
(خذ قليل الشي دام انـك تحبـه!!)
كنهـا حلـمٍ مسكنـي مـع يـديـه
جيت اضمه.. قال: أنا آسف مشبه!!
وجاوبينـي يالحـروف الابجـديـه
هو بقى عندك جديدٍ ينكتب بـه !!!
مصلح النشمي
لازلنا نستقبل فيض ابداعك وسنبقى هكذا0
يتجدد اللقاء معك
وفي كل حضور يستقبلنا عبق الهيل الشمالي
وطلاقة محيّا المستضيف وضحكة حجاجه
ليطيب الحديث وتكتمل الجماليه باريج المعاني
بروحها وصدقها وسحرها البياني الآسر0
ابداع لانهاية له..
" همسه خاصه"
كل الاتجاهات تؤدي الى نقطة التقاء عبر فضاءات الحرف الابداعي
اي المدارات تختار فستجدني مرافقٍ لرحلتك
لاعليك ايها الرائع فا انت تكتب مايروق لي.. و.. ولهم0
عندما اقراء لك أزيد قناعةٍ بان للحرف روحٍ تحمل ذات كاتبه..
كل الود والاحترام