قصيده كتبتها من مشاعر داخلي عن النادي الذي اعشقه وحبي له قديم ومهما كانت اخفاقاته الا ان مشاعري دفعتني لذلك
مايصنع الانجاز حاقـد ومثبـور =
ولاياصل القمـه عديـم الشهامـه =
واللي يقول ان النصر بات مقهور =
قلـه سلامـه بـس قلـه سلامـه =
الشمس لاغابت تمد القمـر نـور =
وليا اشرقت عاد القمر في ظلامـه =
واللون الاصفر بالذهب يلعب الدور=
من لمعته يعطيك لاصلـه علامـه =
زي النصر يطرب معه كل جمهور =
بالفن والابـداع ياصـل مرامـه =
ماني بمتعصب ولانـي بمغـرور =
حب النصر يفرض عليٌ احترامـه =
مشجعه شاعر وضابط ودكتـو ر =
مايقتصر حبـه علـى ام اللثامـه =
لامن حضر ماباقي لغيره حضو ر =
وان غاب ماتبطي تجلى الغمامـه =
الاول اللي مامسك صف طابـور =
للعالميـه كـان تبغـى الزعامـه =
قبل يتاسس نادي الخور والصو ر =
والنصـر بالقمـه تعلـى مقامـه =
لو تنشد التاريخ لك قال مشكـور =
ماضي عريق وشفت فيه ابتسامـه =
من شاور الشيبان ردو له الشـور =
ماجد قديم الوقـت ثـار اهتمامـه =
اسطورةٌ لو مرت عصور وعصور =
ماينجب التاريخ ذيـك الصرامـه =
اليا وقف حرا على ماكـر الكـور =
وليا هجم صقرا كفخ لـه حمامـه =
يالنصر واصعد واترك البور للبور =
مالـك ومـال مدوريـن الملامـه =
ماكل صقرا ينخلق مثلـه صقـور =
والحـر مايشبـه فعـول النعامـه =
واصل ولك جمهور واعز جمهور =
جمهور تفرض من غلاك احترامه =