غيرتني يا اول حكايـة غرامـي و الأخيـر
و خليتني خاتم و لكـن علـى شكـل آدمـي
من بعدها وشلون عنـي تـروح و تستديـر
و لا لقيت بساحتي غيـر طيبـي و كرمـي
عطني سبب مادام لك قلب ولسـان وضميـر
اليا متى وانا لـك اتْعِـب قصيـدي و قدمـي
علقتني ما بيـن حلمـك و واقعـك المريـر
وجه الحقيقه كيـف دونـك يغطيـه وهَمـي
الجرم كيف القاه يطغى على قلـب الصغيـر
و اهل النظر عاشت ظلام الزمن مع العِمـي
حتى الغني شفتـه يصـارع معانـاة الفقيـر
و الوادي الساكن .. من الفوضويـه محتمـي
و انا على دفن الشهيق و على نبـش الزفيـر
اضيق لين الدمـع ينـزل و يفـزع لنسمـي
انسى جروحي لين تجتاحنـي نسمـة عبيـر
و اذكر رحيلك و اسحب اوراق شعري و قلمي
اكتب حروفي بين ظل المشاعـر و الهجيـر
يمكن تحـس ليـا تذكـرت دمـي و لحمـي
واذا أمـرك الله تحـس بمعانـاة الكسـيـر
تعال .. تلقاني علـى درب عشقـك مرتمـي
(صح لسانك ايه المبدع \ ياسعد النفج)