يارجـال الدحـه دحينـا=الطيـب وينـه يجيـنـا
وينـك يـاذرب اليمينـا=دحيـه يـهـل الدحـيـه
وين الطيب نسل الطيـب=ادريبه عنـي مـا يغيـب
وقت الـلازم دوم قريـب=والنيـه ياطيـب النـيـه
ياصالـح حنـا لعيونـك=لاثارت نفسي من دونـك
الوالـي ربـي يصونـك=من شر الحاسـد ووخيـه
واللابـه ياطيـب اللابـه=اشبـال سباعـن وثابـه
والخايـب يدفـن بترابـه=راسـه للضبعـه هديـه
وحنـا لامـنـا حكيـنـا=ياسامـع قولـي وفيـنـا
شفنـا للعلـيـا سعيـنـا=سريـه تتبـع سـريـه
يعني على قـول القايـل=لانتختنـا عـذرا بوايـل
واحدنـا يعمـل عمايـل=من باسه ينطحلـه ميـه
شفت الدرع وشف لباسه=من باسه قوسـه قياسـه
عـدوه يسلـب انفاسـه=سبب لـه سكتـه قلبيـه
سدنا يوم الحرب من اول=شل وحط وشـد وحـول
نصبر لو الدهـر يطـول=ماهي حكـاوي مصريـه
تدري؟ ليش الحكي الزايد=الزايـد مـابـه فـوايـد
بنضمهـا لجلـك قلايـد=والصفحه صارت مطويـه
حنـا سدنـا لا مابـدنـا=والماضي حاضر يشهدنـا
على البيرق شف واحدنـا=نارن على راسـه حيـه
واليوم الديـره محكومـه=مافيها نفسـن مضلومـه
كلن علـى قـد هدومـه=وعن كثر الكـلام شويـه
في ضـل الامـام العـادل=منبـادل غيـره منبـادل
ضل العي وستر الجـادل=من زيه قلـي مـن زيـه
عبـدالله ملكنـا القـايـد=صنديـد سلالـة ولايـد
والكايديبغـالـه كـايــد=حكمـه تبراهـا رويــه
يابو متعـب يـا وليـده=ماهي من عنـدي جديـده
قبـل مكتبهـا بقصـيـده=باليمنـى ماهـي عطيـه
بضلك امن وسلم وراحـه=من عرعر يليـن الباحـه
واذا تبغاهـا بصـراحـه=في حكمك صرنـا سويـه
وبعد الامن ونعمـة ربـي=هبـات الغربـي تلعبـي
ويانار انثبـري وانكبـي=ابغـى اتـغـزل ببنـيـه
قالت لي تكفـى لا تكتـب=غير الصدق ولا لا تكذب
اوصفني وامدحني واسهب=ياحي الغالـي يـا حيـه
علـى الحقيقـه حدتنـي=وحمل الذمه يشلع متنـي
حسبـي عليهـا بلتـنـي=الله يـبـلاهـا بـلـيـه
ياعين الخشف ليا سجـت=ياعنق الريم ليـا هجـت
روحي من فرقاهـا لجـت=والصوت بصدري دويـه
ياغصن البان ليـا مالـت=يانسمة صبح ليـا حالـت
ياخفة ضـل ليـا جالـت=ورديـه ورده ورديــه
اوجانـك تفـاح السكـر=والقاله ما تصغـر تكبـر
بين الرمش وبين المحجر=يصخى الشجـاع بخويـه
والشفـه ياليـل الشفـه=ابكفـه والتـوت بكـفـه
تودع راع الفكـر بخفـه=يانون العيـن الوسطيـه
وانتن يوذينـات الذيبـه=كن الثوب ينفـض جيبـه
لامسلـه حاجـه عجيبـه=سحريـه والله سحـريـه
يعني انتي حاجـه تخلـف=امـا تصلـح والا تتلـف
ولو تبغيني احلف احلـف=انتي شغلـه مـو عاديـه
الخصر امن الوسط معزل=والردف اللي يرقى ينـزل
لا مشيتي يخضـر الـزل=ياروح الشعـر وراعيـه
قالت لي كافـي وعيونـك=كـل الخلايـق يفدونـك
من دونك روحي من دونك=تكفينـي هـذي هـديـه
نسرينه واسمك نسرينـه=انا لـك واللـي تبغينـه
يفدا من الغالـي رجلينـه=وانتي بهـذا قبـل ذيـه
نسرين اسمك وانتي ورده=واللي غيرك كلـه خـرده
لو تلبس في عيني جـرده=ماجاك من الشعر شويـه
والحينه روحي لجواهـر=قولي علي شاعـر ماهـر
كل البـارح ليلـه ساهـر=ينضـم ليعيوينـي دحيـه
وياتوتت عمـري فديتـك=حنـي عليـه رجيـتـك
روحـي يمـي لا بكيتـك=ياشمس الشعر و ياضيـه