/
/
/
/
متواضعه اتمنى ان تنال استحسانكم
هاض الفكر والراس من سطوته شاش=دون القبيله كل مصطور شاشي
ماعاش من يجحد هل الطيب ماعاش=الي على الحقران والذل عاشي
غير الردى والعيب ماضنتي حاش= ومن الردى وجه المخاسير حاشي
ولاننزعج من طنطنة كل خفاش=خفاش ماظني على الحر هاشي
يجيه قافي ينتفه نتف رشاش=الدين مانرضاه نعطيه كاشي
اسمع كلامي وفهمه زين يلّاش=هاك الكلام الي مايقبل نقاشي
هات الذي باالقلب يابارد الجاش=عطنا الذي في داخل القلب جاشي
وحذر عقب ماترمي الهرج تنحاش =اصمل على كلمتك دون ارتباشي
وذا علومك عودت لك على ماش=اركد وخلك في مسيرتك ماشي
ولايغرك التطبيل من بعض الاوباش=الي شرو راسك يا**** بلاشي
الي لهم في سكة العيب مطراش=حرايم لاكن دون لبس المغاشي
وحذار تطاوع يالعفن كل هلباش=وحذر من الي بسواليف واشي
هذي نصيحه عالجة كل منداش=وخلت جملكم مايجي نص حاشي