اقتباس: المشاركة الأصلية كتبت بواسطة فواز الغسلان يـالوايـلـي يـاعـزوتي حـان الرحيل=كـم راحـلٍ يـبـي الربـيـع ولا وصل وكان الفقيري راح ماشال الصميل=واعلن جـهـاز الـطـايـره فيها الخـلل عـقـب الـتـوازن زولـهـا دلا يـمـيل=وقيل المحرك ياخلـف صابـه عـطـل طول ارتفاعه فوق عشر الاف ميل=ودرب النـجـاة اليـوم ماهو محـتـمل رغـم انها بويـنـج من آخر موديل=لاشك ضغط الزيـت صـمـامه قفل ماتـنـفـع الرعـديـد عـضات الشليل=الـلـي تـفـكـه بـالـشـدايــد لا جـفـل والخوف عند الموت ما فك الذليل=وكم طال عمر اللي يذيرك لا صهل الـمـوت مايـقـبـل من الـعـالم كفيل=والـفـقـر ماداس الكـريـم اللي بذل دنياك فيها القيظ والـظـل الـظـليل=وفـيـهـا لـيـال الريـف وايـام المحـل لابــد مامزن الحيى فـوقـك يسيل=ويسقي مرابـيـع النـشـامى لا هـطل اول ليال الـوسـم في تالي سـهـيل=وقـت الـبـراد الزين لا هاج الفحل وريح الشغايا يـشـفي القلب العليل=لافـاح بـعـطــور الخـزامى والـنـفــل ادع الـذي بأرزاقـنـا ماهـو بخـيل=ولو زدت بالـطـلـبات ماجاه الملل كـم واحـدٍ بالناس ما فك الدخيل=ولو يملك ارزاق الخـلايق ماعدل السـدر ماتحـتـه مـنـام ولا مـقـيـل=والطير فوقه طــول عـمـره مانزل ومافي مـقـادير الخـلايق مستحيل=والياس مدخال الخـساره والفشل وراع الـفـزايـع ساعة الشده قليل=واللي رجـيـته سـاعـة الشده رحل ماكل جـفـنٍ يسـهـر الليل الطويل=ولا كل رجـلٍ قال يالـغـالي صـمل والمخـتـفـي يـظـهـر اليا ثـار الفـتـيل=يفرق هروج الصدق عن هرج الـهـزل الحشو مايقوى على الحـمل الثقيل=ولا كل رجـلٍ في رفـاقـاتك جـمل وطـول المربع غـير طـول المستطيل=واللي لقى الدولار وش له بالهلل هرج الفراغه بالرخى ماهو دليل=لو كان هـرجه حاليٍ مثل العسل ما كل ربـعك في رفـاقـتـهـم خـليل=ولا كل رجـلٍ قـال يالـغـالي فعـل الشاعر والراوي القدير فواز الغسلان صح السانك فانت شاعر غني عن التعريف والتميز حليفك دائماً ولاهي غريبة هذة القصيدة من شاعر بحجم الغسلان لله درك وزاد هذة القصيدة جمال انها موجهه الى ابو خالد ( خلف الغريب ) وهو يستحق الكثير والكثير ومهما قلنا لن نفيه حقة تقبل تقديري وودي
سوف انتظر الغد فربما يكون افضل من سابقه