وش فيك ضايق ياعسى ضيقتك خير = مادري كذا احساس ماهي بعادتك
نظرات عينك لي تحتاج تفسير = كن الملامح فيك تبغى نهايتك
مابي كلام ولا ابي لك معاذير = ادري بانك جاي تنهي علاقتك
روح فمان الحب مامنك تقصير = مازعل على حاجه تبيها برغبتك
كبير في عيني وتبقابي كبير = ماتصغر بعيني علشان غلطتك
ببقى احبك موت واعشقك وأغّير = يكفي زرعت بداخلي كل طيبتك
ابطي وقدرك عالي" دون تغيير = غيرك يموت ولايغّير مكانتك
ادري وداعك شي يخلفه تأثير = أبسط نتاجه جرح يخلفه غيبتك
لحظات باقي بس من دون تأخير = ابغى ثواني كان تسمح دقيقتك
عندي (سؤال وجد محتاج تبرير) = لانه مهم اسمع حبيبي اجابتك
ماهزك احتاجك واشوفك مع الغير = تاقف معاه رغم ان (كلي بحاجتك)؟؟