اقتباس:
المشاركة الأصلية كتبت بواسطة الخاطر
السلام عليكم ورحمة الله وبركاته.
اسعد الله اوقاتكم بكل الخير والود.
للاوفياء حقا على جميع الاوفياء.
اتمنى من كل من مر المتصفح دعوه صادقه.
دمتم بكل الخير.
محبكم محمد العنزي.
ياللي تحاسبني على كثر السكوت=الصمت ابلغ من كثيرات الجمل
مافات فات وكل مايقبل يفوت=خل الجمل ياكايدي خل الجمل
يشيل حمل ويدبل كبود وتموت=من غلها في غلها تشبع جهل
الصافنات النادرات من البيوت=ترقى سنود ولايهم اللي حصل
كبوة اصيل(ن) عف عن لبس البشوت=مثل الجبل ياكايدي يبقى جبل
مرً(ن) على الشدات مثل العنزروت=ولاحلت الطيبه رويت من العسل
اصدق من التايب الا حل القنوت=واصفى من الميًٍِِا القراح الا انهمل
واطيب من الصوت المهلُي بألف صوت=وأوفي من الظل المخاوي للظلل
واثمن من اثمن ماخلُُُق لؤلؤ..ياقوت=وأزهد من الزهد المسمى بالملل
عليه كل ماجاء طاري للثبوت=اشيم عن كل الملاهي واعتزل
لايابعد نفسي وعيني ماتموت=ما مات من خلف يبه وانت الاصل
ماضي على ممشاك ماهي بالبخوت=درب الكرم والطيب والشيمه نخل
وصلاة ربي بين محراب وصموت=وفي مقدٍم الاخيار باليمنى محل
وعن دمعة العذرى تعيشك كل نوت=مضفي هدومك وارتوى جلدك وبل
على العطا مثلك تخيط العنكبوت=لو هو ردى مير انت تعطي ماتمل
وانا يبه مثلك اعيشك في سكوت=لو كثر اللايم بلومه ماحمل
الا وفا مع طيب تزهاه البشوت=اما قطع والانسيت اللي حصل
لايابعد نفسي وذكرك مايموت=مامات من خلف يبه وانت الاصل.
|
أخي الحبيب/محمد العنزي.
صح لسانك..ودام نزف قلمك
ودي وتقديري.