اقتباس:
المشاركة الأصلية كتبت بواسطة طلال الايداء
بعد اسفي عن انشغالي على حضوري للمنتدى وغيابي اهديكم هذه المتواضعه لعلها تشفع عن غيابي
لوهي تساوت بالمقامات الانام = ماكان شفت الفقر يؤخذ وقاره
ولو مانكافح لجل تحقيق الاحلام = ماكان تسمع فيه كلمة شطاره
من الطبيعي ينجبر كسر العظام = بس انكسار الذات .. كيف انجباره
مثل الغياب بسلم الاحباب ينظام = ضحيته عمر" سنينه خساره
شفت التمادي بالخطاء عند الاكرام = مثل التخلف في عيون الحضاره
عمر الضحى مايحجبه ليل العتام = هذاك كني لابغيت .. احتقاره
شفت التغلي ان طال عند حده ودام =مثل الحلى لازاد جاب المراره
|
طلال الايداء.
انت شاعر راقي كما تعودنا منك في كل جديد.
الله عليك ياطلال غبت ولا نتمنى هذا الغياب ولكن ما اجمل هذا الحضور.
دمت مبدعا ياطلال.
صح لسانك مليون.
ودمت بكل الخير.
اخوك محمد العنزي.