[خلف الغريب]

المشاركة الأصلية كتبت بواسطة عـبـدالله الأيـــداء

فكيت أزارير جلباب الـورق للعتـب=عشـان أهنـدم ملامحهـا وارتبهـا
ماهي حكايات دمعه ماسترها هـدب=وتطيح ياصاحبي في حضن صاحبهـا
لكنها ألف آه وصوت صرخـه وحـب=لا شـد هالبـال والذكـرى مراكبهـا
اصفق كؤؤس الحزن والذكريات النخب=على مرور الرحيـل وقبـل اعاتبهـا
ماتت جروحي وانا مغلق عليها الكتب=عشان ما احد يتسـأل وش سبيبهـا
يا صاحبي والدفاتر تشهد انـي احـب=ل اخر حدود السماء والبعد يشطبهـا
والشعر غص بملامحها وهو ماانكتب=واختارنـي بيـن هالعشـاق يكتبهـا
والعمر جمره وقامت كل لحظة تشـب=لين احترق كل شي ورحت اخاطبهـا
واليـوم فكيـت نافذتـي وياللعجـب=صباح يشبـه كثيـر احـزان كاتبهـا
ويهون كل العتب واللي بقى لي سبب=لا صار لك حاجتن وشلـون تطلبهـا

كل الحب

عبدالله عليان الايداء

الله ماهذا الطوفان الشعري الرائع يا عبدالله ..

قسما انني استلذيت بهذا النص كظامئ ورد على هداج ..

ابدعت وامتعت وحقيقة انني اكتب الرد ولا زلت في نشوة الشعر يا عبدالله ..

حقيقة قصيدة تستحق الوقوف اكثر واتمنى قريبا ان اعود لها بقراءة تستحقها ..

تحياتي وودي..