اقتباس:
المشاركة الأصلية كتبت بواسطة عبدالعزيز العدواني
يا عذاب وحسرت الملهوف ما تقبل ردي = من غثاها ما تبات الا على صدر الكريم
ياعذاب وهقوة الاجواد في صدر اجودي = زفرة الطيب من اقصى عرق يدراها الفهيم
ارتخت يمنى العزايم دون صبري و جهدي = وانتحت يسرى المواقف عن خفوق(ن) له شهيم
اتلفت للشفق واقول يشرقه سعدي = ما دريت الا وانا في ليل دستوره ظليم
جمرة(ن) يصلى لهبها واتمسكها بيدي = لين داويت المآسي في رجا برق(ن) وغيم
مير اشوف الحظ جاوبني على جرح(ن) ندي = تسبق الحاجه على المحتاج بعيون الحليم
يرقبون سهيل وعيوني تحرى للجدي = في طرفهن عز واصرار ودواخلهن يتيم
فوق صرخات الكسير ودون نظرات الهدي = تشره القاله ويشبع من خطاها المستهيم
الضلوع ان فز قلبي قامت بساع تحدي = ولو يضيق استنفرت والقلب صار اكبر خصيم
ماحسبت ان النهايه فرض من قبل ابتدي = لين طيحني زمان الشح بيدين اللئيم
أتحاشى طيحتي واشوف فخي واعدي = واتلوع واعتبرها درس والخافي غريم
ماعذر حر السموم القيض طشات بردي = ولا شرب من دلة المضيوم رجال(ن) عديم
ولا غشى شمس الضحى ديجور ليل(ن) سرمدي = ولا شكى من لوعة الايام من وضعه سليم
قلتها مع حسرة الملهوف واقفاية ردي = من تنهات الصدور اليا مقامات الكريم
|
الله الله الله ياعبدالعزيز.
لله درك لله درك لله درك.
ياخي هذي مو قصيده هذي قاموس.
بكل وضوح وشفافيه وبدون مجامله من اجمل ماقرأت.
ابدعت وربي ياعبدالعزيز.
هكذا الشعر.هكذا الشعر ياعبدالعزيز.
دمت بكل الخير والابداع.
اخوك محمد العنزي.