اقتباس:
المشاركة الأصلية كتبت بواسطة معيض بن عريفج
صبرك على نفسك ولاصبر اصدق اصحابك عليك = واشتال حملك طا لما ان المشكلات صغيره
لوساعدوك اصحابك بهذيك والا في هذيك = يجيك يوماً به تشوف وجيههم متغيره
ان كان ماتشرب من الماء الصافي بفعل يديك = يوقفك راعي البل عن الماء لين يروى حويره
واصحاب طنخات الرخا ان شان وقتك ماتبيك = تطرد حمام ن طار والا تطرد اللي طيره
الطيب الله ينصره درع ن وسيفن يحتميك = جنب وجيه اهل الردى وانص الوجيه الخيره
واللي عمل معروف جير موقفه تجيير شيك = وراعي الردى مايمنع انك ماعمله تجيره
والفرع من ساس الاصل والاصل ساسه يحتويك = ان اعجبك اوماعبك ماتستطيع تغيره
والخال يورث لك صفاته قبل صيفت والديك = وكلك خطا وان شفت مخطي لاتقوم تعيره
ولانته لحالك بالزمن اللي على غيرك عليك = ولاينحني للذل راسك والحياة قصيره
|
اخي معيض بن عوض العريفج,,
ماشاء الله تبارك الله ,, صــــــح لســــانك على هذه الرائعه
التي كل شطر من بيوتها يساوي قصيده أنت شاعر غني عن شهادتي
ولكن لايمنع ابدي رايي وأعجابي بهذه الأبيات التحفه ولا غرابه من شاعر
بحجم معيض العريفج بدون مجامله فلله درك ودمت مبدعاً كما تكون
اعجابي وتقديري لكــ
ابوعبدالله