[عيد سمران]

السلام عليكم

حضوري الاول شعراً بينكم هنا

اتمنى ان تقبلوها كبدايه على امل ان تنال اعجابكم ورضاكم

آسف اني جيت لك صبح الخميس وضاق صدري
وآسف اني جيت ادور للجروح ادوى هديه
*
*
مالعشاق الغرام (ادوى) ولابه طب انا ادري!
بس غرتني بضحكتها العيون الناعسيه
*
*
ضحكتن مرت كذا فجأه وله لديت بدري
ليتني روحت مالديت والضحكات ماأشقت عليه!
*
*
كنت هارب من جروحي وابي اداوي جرح غدري
طحت في جرحٍ جديد وزاد في (الكي) كيه
*
*
آآآآه ليت الدرس الاول فاد ياراع (الشمطري)
كان مالديت في عيني ولاقلت الحذيه
*
*
صامت اطراف الجوارح مافطرت والكل يدري
بس قلبي مفطرٍ وانت السبب صبح ومسيه
*
*
والله اني مارضيت افطر ولكن باح عذري
صايمٍ بالنيه ومفطر معك من دون نيه
*
*
الله انه لايحلك ياهجوسي دايم ازري
كل ماروحت عدتيبي على طاري (حليه)
*
*
بين حدبان الضلوع العوج شوفي ويش يجري
معركه ثارت بلا حكام وبليا حميه
*
*
قسمة الله والنصيب اللي معنيني بفجري
كان نمت ولاانلقفت وطحت (ماسمي عليه)

</b>

الخميس 6/9/1430هـ