اقتباس:
المشاركة الأصلية كتبت بواسطة علي السابل
كل عام وآل ويلان بخير واتمنى قبول هذه الخجلى ..
مااحد مشى في طريق الشوق وهو مكره =ياكود انا والمتاعب غصب ماشيها
أنفض تراب الزمن عن سالف العشره=واجمل لنفسي الحاضر بماضيها
تغيب شمسي وحلم شروقها بكره=ما جاب ليل الشتا والبرد طاريها
أظماك غيث الهوى واشربك من نظره=اروى حلاها ثواني وارجع ابكيها
وتغرق حروفي بهاجس ذكرك العبره=وابكي قصايد وتبكيني معانيها
بيت القصيده ليا حطيتك بصدره=تشرق بك حروفه اولها وتاليها
حبيبة الليل لياهب الهوا عطره= مالت غصون الغلا يمة سواقيها
الصمت مايستوي واحساسنا يشره=ونظرة عيونك حكاية عشق ترويها
والهمسه اللي تولع قلبي بأسره=من شحها ما تبل عروق ضاميها
والخاطر اللي سنين ولا برا كسره=ماطاع يشكي من ايامه تماديها
ولو كان عذر الزمن هو سالفة غدره=اهل الوفا ما تغير به مباديها
|
الغالي ابو مصعب
صح لسانك على هذا الابداع الغير مستغرب منك
نص شعري فاخر يستحق التقدير
شاعر لك نهجك الخاص نهج بني على الابداع والعذوبه
سلمت وسلم بوحك الجميل
اسجل اعجابي ولك وافر الاحترام والتقدير