اقتباس:
المشاركة الأصلية كتبت بواسطة حمد الخمعلي
صباح الخير لكل من مر هنا
عديت بالمرقاب حول ضحويه=في راس مملمومٍ من النزل خالي
ارقبت والمرقاب خطرٍعليه=وخطرٍعلى اللي حالته مثل حالي
شالتني الاقدام هاذي وذيه=وعديت به ونا من الضيق سالي
ومديت دربيلي على كل نيه=ابغى التسلي والتسلي حلالي
لكنها صارت عليه قضيه=هيضني المرقاب من ضيق بالي
ذكَّر علي ايامنا الاوليه=ايام عشناها بعصرٍمضالي
يوم الرعيه جنب ذيك الرعيه=وبيت الشعر والبرق حوله يلالي
وصوت العرب كلٍ ينادي خويه=والنار مشبوبه لصفر الدلالي
سوالفٍ تطرب لها اهل الحميه=وكلٍ يخيل المزن من كل جالي
ورزيم خلفاتٍ بوقت العشيه=لثوروها لحلبها للرجالي
وصوت الربابه والهجيني سويه=من الطرب كلٍ يحذف العقالي
هذا الطرب ذي الحياه الهنيه=هذ منات العمر باول وتالي
وعوت من رجم الضحى بالخليه=والدمع من عيني على الخد سالي
لاعاد مرقابٍ ذبح نفس حيه=في راس ملمومٍ من النزل خالي
احترامي للجميع |
صح لسانك ملايين اخوي حمد الخمعلي
وصفت لنا الموقف كله بفن شاعريتك
بيض الله وجهك على هالقصيده الجزله
تقبل تحياتي اخي الكريم