[خلف الغريب]

المشاركة الأصلية كتبت بواسطة رابح الغضيان

كل عام وانتم بخير

تقبل الله صيامكم وقيامكم


إليكم كماهي بدون مقدمات



((ماجووور بأحساسك))

ماجور يابايع مشاعـرك ماجـور=ماجور باحساسك وشعرالتجاره
الشعر حبك وسبك واهداف وشعور=ماهو تجـاره ياخسـاره خسـاره
ويامشترين اشعار والعذر مغمـور=تجارة الاحساس ماهـي شطـاره
ماهو لزوم تصيرشاعرومشهور=الرجل في فعلـه وبيتـه وجـاره
وش عاد لوتملك من السانك قصور=ماقيل طيب قيـل يملـك عمـاره
مشكور ماقصرت مشكورمشكور=وكلٍ حسب رايـه يحـدد مسـاره
من فضل ربي وافي الشبرمستور=ولاني بحاجة سمسره واستعـاره
دحدر وتلقى شاعرك بيّسر السور=يكتب لك نصوصك بفن ومهـاره
تبغا رثى تبغا غزل منت مجبـور=تختـار لاتحتـار بأيـا عبـاره
يكتب لك الجمله وبأحساس مأثور=يبكي على نجوى ويقصد بسـاره
الشعر عنده سلق واحيان مبشـور=على الطلب معروض عب استمــاره
يابايع احساسك وياضايع الشـور=تجارتـك ياقبحهـا مـن تجـاره

راااابح

الغالي رابح الغضيان ..

سلمت وصح لسانك ولا هنت ..

قصيدة اعتقد انها عالجت نظرة الشاعر الحقيقي للشعر الذي امتهنه البعض كمهنة فجعله سلعة تباع وتشترى بدون ان يقيم وزنا لمشاعره واحاسيسه لأنه لا شك كتبها بدون مشاعر او احاسيس فهي كالجسد بلا روح ..



دحدر وتلقى شاعرك بيّسر السور
يكتب لك نصوصك بفن ومهـاره
تبغا رثى تبغا غزل منت مجبـور
تختـار لاتحتـار بأيـا عبـاره
يكتب لك الجمله وبأحساس مأثور
يبكي على نجوى ويقصد بسـاره
الشعر عنده سلق واحيان مبشـور
على الطلب معروض عب استمــاره


تصوير رائع وممتع لهذه الحالة المزرية ..اما سلق ومبشور هذي حكاية لحالها ..
سلمت مرة اخرى والحقيقة انني كنت رددت بكلام كثير منذ نزول لاقصيدة ولكن لخلل اصاب النت لم استطع اضافة ردي حينها فمنك العذر ..


تحياتي وودي..