[الخاطر]

المشاركة الأصلية كتبت بواسطة نواف ابن ثويني

بسم الله الرحمن الرحيم

اعزائي اعضاء وزوار منتدى شبكة ويلان بعد التحيه شرفني الانضمام اليكم واتمنى ان تجدوا مني

مايرقى الى ذائقتكم,,وبلا شك اني راح اجد مايمتعني من قصائد جميله..اعزائي اليكم قصيدتي واتمنى ان تحوز

على رظاكم واستحسانكم:

ياللي على شانك تحملت المسافه والسفر=هانت وشفني يابعد حيي من اديارك قريب

اخذت يانور العيون ابغيبتك عني شهر=الله ياهو حزن وهموم لحبيبك يالحبيب

غيبتك عني يالغضي اكبر من احدود الصبر=يومن عبوس اقسى من اطعون المحارب والحريب

ياوجد حالي وجد شيخن زاد ضعفه والعمر=يرجي ولد صالح ولكن ماكتب ربي نصيب

يشكي من العله ولاقداه شوفه والنظر=يغيب لكن ظيقة الخاطر ابصدره ماتغيب

بانت على وجهه معالم همه وطول السهر=وعارضه كله شيب وامن الهم حتى الراس شيب

لكن على ماصابه امن الوقت وعناد الدهر=والهم والحرمان والتجريح والعمر العصيب

راضي بحكم الله ومومن بالمواقف والقدر=حسبه الاه الكون هو خير المعاون والحسيب

وأنا صبرت ونلت يامولاي لك كل الشكر=ويارب لاتحرمني ارضاك وغلاها يامجيب

الشاعر المبدع.
نواف ابن ثويني.
اولا ياهلا ويامرحبا بك بين اخوانك والله يحييك.
اما بالنص فهو نص شامخ وجميل وعذب وجزل من شاعر جزل.
مقدره شعريه وتمكن اخي الفاضل.
صح لسانك مليارات ودمت بكل الابداع.
دمت بكل الخير ونتطلع بكل شوق الى جديد قلمك.
اخوك محمد العنزي.