[مشاري البواريد]

المشاركة الأصلية كتبت بواسطة عبدالعزيز السعود

آلصمت له عندي معزّه ومقدار =في زحمة الافواه .. يا مزين الصمت !!
لا صار بعض البوح عند البشر عار =لو يشتعل جوفي حشى ما تكلّمت
تعبت من قولة : (علامك) و (وش صار )=وان طحت ما ألقى سوى كلمة (سلمت)
واعذار اخلقها ولو مالي اعذار =مشّيتها مره .. ومرات ما رمت !!
كذبة صباح الخير/ يا صبح الانوار =عذري ليا عدّت ... ليالي ولا نمت
اسهر طوال الليل وضْيوفي افكار=واقول لاْصحابي : نعم توّني قمت !!
ما عاد فيني ألفت .. عْيون واْنظار=يكفي بأني من زماني .. تعلّمت
ان الصدر بيت/ن .. وسكّانه اسرار =نيّام .. بس يصحون لامن تألّمت
يصحون ويناظرهم الجار والمار =وش عاد ينفع سترهم لو تكتّمت ؟!!
آقدّم اقدامي على درب الاصرار =امشي ولكن للأسف ما تقدّمت
(النار قدامي .. ومن خلفي النار !!) =والعمر يمضي بي وانا ... ما تولّمت
يا لين ذاك الحلم في ... لحظه انهار =وانا مع لحظة سقوطه ... تحطّمت
اجروحي اكثار.. وتناهيدي اكثار =لكن على كثر المواجع .. تبسّمت !!
ثم أْلتزمت الصمت .. وعزومي اكبار =ولو يشتعل جوفي حشى .. ما تكلّمت

مما راق لي فنقلته اليكم عله يلامس شغاف قلوبكم ..

بحثت عن بيت أقتبسه فأضطررت إلى اقتباسها كاملة ً ..

عبدالعزيز ، قبل أن اشكرك على ماجلبت لنا اهنئك على ذائقتك الشعرية الراقية

مبدع في إختيارك يا ذوّيق .. يعطيك ألف عافية وسلمت يمينك و صح لسان المبدع اللي كتبهااا


تقبل تحيـاتي ،،،