اقتباس:
المشاركة الأصلية كتبت بواسطة صالح الضويحي
كثيرة الكواكب التي تدور في فضاء واحد ..!
ولكن ..
هل هي جميعها تشبه كوكب المريخ ؟
ماكل كوكب في سمـاء الكـون مريـخ=وماقـره العقـل أرتضـاه ورسخـبـه
رحب الفضاء لمرسّخ العلـم ترسيـخ=محكـوم وسهيـل اليمانـي طـرخ بـه
وش جابت الهندوس؟ وش جابت السيخ؟=من حارب الواقع وعـاد ورضـخ بـه
في معمعـة سابـح .. ونابـح .. وطخطيـخ=غاب الحكيم وضـاع مجـدٍ شمـخ بـه
عن الجبـل شامـت نفـوس المطانيـخ=من يوم طير البوم صوتـه صـرخ بـه
قل وأنت فـي ظـل الجبـال الشواميـخ=هيجن ..ولـك فـي كـل مشـراق نخبـه
تـرى الأدب تعبيـر.. والنحـو تـاريـخ=والوقت توّه ماصحـى مـن فتـخ بـه
تسيّـد الساحـه لـك العاصـي إينيـخ=روضك خضر مــد النظـر وأنطنـخ بـه
أنت الفهيم .. الـراوي ..الشاعـر.. الشيـخ=الدور دورك ..وأنـت ياشيـخ شـخ بـه
لغـزاً مضامينـه مـهـازل وتوبـيـخ=أضحـك علـى النايـم بمعنـاه وأخبـه !
بس انتبـه ؟! بعـض الصناديـق زرنيـخ=الشق الأشرم.. ماستـر مـن نفـخ بـه
شكرا لـ كل من مـر من هـنــا .. |
الشاعر الحكيم الكاتب المتذوق
وش ابقول قدام هذه القصيدة امر من امام هذه الرائعه اخوي من اسبوع اتأمل معانيها واروح بدون ارد
لاني والله ابي وقت كافي للرد اخوي صالح انت ممن يعيشون في ذرة سنام الشعر بقوة الكلمه وحزم المعنى
ولو خفى عني وعن القراء والمتذوقين للشعر فها شيء يخص الشاعر
احترم شعرك الراقي اخوي واحترم شخصك الكريم
تقبلي مروري